“Pasombra e Yiu di Hende a bini pa buska i salba loke tabata pèrdí.” Lukas 19:10

Tin dos lider den e Gran Komtroversia. Nos mester sigi un di nan. Si nos sigi Hesus, nos ta bira “kompañeronan den armanan”. Nos ta lucha huntu den e banda ganadó di e Kontroversia. Si mi kier sigi Hesus, mi mester:

“Asin’ei ora ku nan a trese nan botonan na tera, nan a laga(bandoná) tur kos i a siguiÉ.” (Lukas 5:11) Despues di un anochi di piskamentu sin fruta(resultado), nan a mira e piskamentu milagroso. Pedro a sinti su mes poderá dor di Hesus Su santidat kontra di su propio pekaminosidat (Lukas 5:8). El a laga su redanan yená ku piska i a siguiÉ. Si nos kier ta sòldánan di e Krus, nos mester atmití nos propio pekaminosidat i bandoná tur kos ku ta prevení nos di sirbi Hesus. E trabou di Hesus na Kapernaum ta skirbí den Lukas 4: Pedro, Andres, Santiago i Juan tabata biba einan. E disipelnan ei a tende Hesus Su siñansanan atmirabel (v ). Nan a mir’É ta saka demoñonan (v , 41), kurando Pedro su suegra (v ) i kurando hopi hende mas (v. 40).

“ E ora ei El a nombra(skohe) diesdos, pa nan por ta huntu ku Ne i pa E por manda nan pa prediká.” (Marko 3:14) Despues di un anochi di orashon, Hesus a reuní Su disipelnan huntu ( esei ta, esnan ku a tende Su siñansanan i a mira Su milagernan) i a skohe 12 “apòstelnan” (“apòstel” ku ta nifiká “mandá”). El a apartá (hala)nan un banda promé ku El a manda nan pa prediká. El a siña nan tokante kon pa kumpli ku nan mishon. Nos no tin Hesus Su presensia físiko awendia. Kon nos por ta huntu ku Ne?

“Pesei e hendenan a maraviá, bisando, ‘Ken esaki por ta, ku asta e bienunan i e laman ta obedes’É?’” (Mateo 8:27)

“Y El a sinta, El a yama e diesdosnan, i a bisa nan, ‘Si kualkier hende ta desea di ta di promé, é lo ta e último di tur i sirbidó di tur.’” (Marko 9:35) E yiunan hòmber di Zebedeo (Santiago i Juan) a riska pa ofisialmente apliká pa e puesto (Marko 10:35-37). Esei a ofendé e otro apòstelnan (Marko 10:41). E apòstelnan tabata preokupá tokante nan futuro i tokante di semper bai dilanti. Hesus tabata preokupá tokante di sirbi hende i entregá Su bida pa nan. E apòstelnan tabata preokupá tokante di un asuntu importante durante Hesus Su ministerio; ken lo ta e promé den nan? Nan mester a siña un lès importante; bèrdadero grandesa ta bini for di sirbi. Si bo kier ta esun importante, djies sirbi otronan.

“ Y nan a bisa un na otro, ‘Nos kurason no tabata kima den nos mientras E tabata papia ku nos riba kaminda, i mientras E tabata splika nos e Skrituranan?’” (Lukas 24:32) Kleopas i su amigu tabata kla tokante kosnan importante riba Kaminda pa Emaus (Lukas 24:19- 24): 1.Hesus tabata un profeta i El a wòrdu krusifiká. 2.Nan a spera ku É tabata e Mesias. 3.Despues di tres dia, e muhénan no a haña Su kurpa den e graf. 4.E muhénan a bisa ku nan a mira angelnan kende a bisa nan ku E tabata na bida. 5.Algun disipelnan a konfirmá esei, pero nan no a mira Hesus. Hesus a mustra nan e Skrituranan asina ku nan lo por komprendé loke a kaba sosodé. Ora ku nan a komprendé loke e Beibel a bisa tokante di Hesus, e bèrdat a bira fuerte den nan kurason ku tabata kima. Mi fe ta e resultado di un estudio personal di e Skrituranan, manera riba e Kaminda pa Emaus.

“ Kristiannan mester ta preparando pa loke ku pronto ta bai sosode riba e mundu komo un sorpresa abrumador, i e preparashon aki nan mester hasi dor di studia diligentemente e palabra di Dios i lucha pa konfirmá nan bida na su preseptonan. E asuntunan tremendo di etèrnidat ta eksigí di nos algu ademas di un religion imaginario, un religion di palabranan i formanan, kaminda e bèrdat ta wòrdu tené den e plenchi parti pafó. Dios ta yama pa un reavivamentu i un reforma. E palabranan di e Beibel i solamente e Beibel, mester wòrdu tendé for di e púlpito.” E.G.W. (Prophets and Kings, cp. 51, pg. 626)