UNIDAT I RELASHONNAN KIBRÁ

Presentación del tema: "UNIDAT I RELASHONNAN KIBRÁ"— Transcripción de la presentación:

1 UNIDAT I RELASHONNAN KIBRÁ
Lès 10 pa Dezèmber 8, 2018 UNIDAT I RELASHONNAN KIBRÁ

2 Nos unidat ta basá den unidat individual ku Kristu, pero relashonnan personal tambe ta afekt’é.
Nos por haña algun ehèmpelnan di asuntunan di relashon entre Kristiannan i kon pa resolve nan den e Beibel. Restorá un amistat kibrá. Echonan 15:36-39 Restorá un relashon kibrá. Filemon 1 Restorá unidat kibrá. 1 Korintionan 3:5-11 Restorashon despues di un offensa(insulto). Pordon. Lukas 6:37 Restorashon. Mateo 18:15-17

3 RESTORÁ UN AMISTAT KIBRÁ
“Lukas so ta serka mi. Buska Marko i tres’é huntu ku bo, pasombra é ta útil pa mi pa e ministerio.” (2 Timoteo 4:11) Pablo i Barnabas a pasa hopi tempu huntu. Sinembargo, un argumento tokante di Juan Marko a menasá nan amistat (Echonan 15:36-39). Pablo no kier a duna Marko un di dos chèns, pasombra el a bandoná nan den nan biahe anterior. Pero Barnabas tabata konfia Marko tòg. E apòstel di grasia mester a siña pa mustra grasia na esun kende a desapunt’é. Pablo su ministerio mas despues a wòrdu enrikesé dor di Marko su ministerio, i Pablo a aseptá su yudansa atrobe.

4 RESTORÁ UN RELASHON KIBRÁ
“Pasombra podisé el a bai pa un tempu pa e propósito(motibu) aki, asina ku bo lo por risib’é pa semper.” (Filemon 1:15) Onésimo a bandoná su posishon (esklabu) i a tuma algu ku tabata pertenesé na su dunadó di trabou (doño). Filemon por a kuminsá un proseso di lei kontra di Onésimo. Den e tempu ei, un dunadó di trabou(maestro) tabata doño di su esklabu. Si Filemon a mustra renkor, su testimonio komo un lider di e iglesia na Kolosas lo a wòrdu perhudiká. Pablo a media entre nan. E tabata asta dispuesto pa paga pa loke ku Onésimo a hòrta. E tabatin fe ku Filemon lo mustra amor Kristian i trata Onésimo komo su ruman ( mas aya di nan relashon di trabou).

5 Dios ta yama nos pa kooperá, no pa kompetí.
RESTORÁ UNIDAT KIBRÁ Dios ta yama nos pa kooperá, no pa kompetí. No tin ningun donnan mas grandi òf mas menos, tur ta wòrdu duná pa kumpli ku e mesun propósito. No tin ningun hende mas grandi òf mas menos, pero hende ku diferente abilidat speshal. No tin lugá pa sinti orguyoso òf menospresiá bo mes, tur mérito ta di Dios. “Tin hopi diferente maneranan pa sirbi, pero nan tur ta wòrdu dirigí pa medio di e mesun Señor.” (1 Korintionan 12:5 VOICE) Tabatin un problema di unidat na Korinto (1Kor. 1:11-12). Nan no a komprendé ku Dios ta huza diferente lidernan i ministerionan pa hasi Su trabou. Tur di nan ta importante pa Dios. Lesando Pablo su konseho na e Korintionan, nos ta siña ku:

6 PORDON “den Kende nos tin redenshon pa medio di Su sanger, e pordon di pikánan.” (Kolosensenan 1:14) Nos no ta pordoná dor di nos repentimentu òf nos konfeshon, pero pa medio di Kristu Su morto na e krus. Konfeshon ta un manera pa pidi pa pordon. Dios no ta pordona nos pasombra El a kambio Su mente(pensamentu), pero pasombra nos aktitut pa kunÉ ta kambia. Nos mester pordoná otronan manera Dios ta pordoná nos (Mateo 18:21-35). Pordonando otronan ta un nesesidat vital pa nos propio bienestar spiritual, i e ta libra otronan for di nos kondenashon. Tambe e ta kita nos renkor, asta si nos pordon no ta wòrdu aseptá dor di nos ofensornan.

7 “Si bo rumannan ekiboká(pifia), bo mester pordoná nan
“Si bo rumannan ekiboká(pifia), bo mester pordoná nan. Ora nan bini serka bo ku konfeshon, bo no mester bisa, mi no ta kere ku nan ta sufisiente humilde. Mi no ta kere ku nan ta sinti nan konfeshon. Ki derecho abo tin pa huzga nan, komo sifuera bo por lesa e kurason? … Nos mes ta debe tur kos na Dios Su grasia liber(gratis). Grasia den e aliansa(pakto) a ordená nos adopshon. Grasia den e Salbador a efektuá nos redenshon, nos regenerashon, i nos eksaltashon na herensia ku Kristu. Laga e grasia aki wòrdu revelá na otronan.” E.G.W. (Christ’s Object Lessons, ch. 19, p )

8 RESTORASHON Resolvé nos diferensianan den privá i ku amor Kristian.
“ laga bo ofrenda ayanan dilanti di e altar, i bai. Promé sea rekonsiliá ku bo ruman, i despues bini i ofresé bo ofrenda.” (Mateo 5:24) Kual tres pasonan Hesus a duna nos den Mateo 18:15-17 pa yuda nos pa resolvé konfliktonan ora ku nos ta wòrdu maltratá dor di un otro miembro di iglesia? Resolvé nos diferensianan den privá i ku amor Kristian. Yama un òf dos hende neutral pa media. Yama e hunta lokal di iglesia pa traha den direkshon di rekonsiliashon. E pasonan aki mester wòrdu sigí den e orden aki pa logra rekonsiliashon i unidat. Mas tantu hende ta envolví den e proseso aki, mas duru e rekonsiliashon.

9 “Ta di e importansia di mas haltu ku e hubentut komprendé ku Kristu Su pueblo mester ta uní den ún; pasombra e unidat aki ta mara hende na Dios pa medio di e kabuyanan di amor di oro, i ta pone kada unu bou di obligashon pa traha pa su próhimo… Ningun muraya di partishon mester wòrdu trahá entre hende i hende. Kristu komo e gran sentro mester uni tur den ún.” E.G.W. (Fundamentals of Christian Education, ch. 61, p. 479)