Les 4 pa April 23, 2016. “Pasombra kua ta mas fasil pa bisa, ‘Bo pikánan ta pordoná,’ òf pa bisa, ‘Lanta i kana’?” (Mateo 9:5)

Presentación del tema: "Les 4 pa April 23, 2016. “Pasombra kua ta mas fasil pa bisa, ‘Bo pikánan ta pordoná,’ òf pa bisa, ‘Lanta i kana’?” (Mateo 9:5)"— Transcripción de la presentación:

1 Les 4 pa April 23, 2016

2 “Pasombra kua ta mas fasil pa bisa, ‘Bo pikánan ta pordoná,’ òf pa bisa, ‘Lanta i kana’?” (Mateo 9:5)

3 E poder di Su toke (Mateo 8:1-4) E poder di Su palabra (Mateo 8:5-13) E poder di Su outoridat (Mateo 8:23-34) E poder di Su pordon (Mateo 9:1-8) E poder di Su yamada (Mateo 8:18-22; 9:9-13) E poder di Hesus ta mustrá den Mateo 8 i 9:

4 “ Un hòmber ku lepra a bini i a bùig te na suela Su dilanti i a bisa, ‘Señor, si Bo kier, Bo por hasimi bira limpi.’ Hesus a saka Su man i a mishi ku e hòmber. ‘Mi kier,’ El a bisa. ‘ Sea limpi!’ Inmediatamente el a wòrdu limpiá di su lepra.” (Mateo 8:2-3) E leproso a huza e palabra δυνασαι (dúnamai, ku ta nifiká “yen di poder”). E tabata deklará ku Hesus tabata yen di poder pa kura e inkurabel. Dikon Hesus a mishi ku e leproso na lugá di huza Su propio palabra? Mishi ku un leproso tabata enserá bira(wòrdu) kontaminá(infèktá). Sinembargo, Hesus Su toke a kura e hòmber impuru ei. man. Hesus ta dispuesto pa mishi ku e pekadónan pa transformá nan i pa limpia nan for di nan piká.

5 E historia no ta un kaso simpel di un leproso buskando kuramentu, pero ta representá un raso kibrá i pekaminoso sin ningun midi òf medio pa haña sosiegu, pas, i redenshon. Piká ta krea e intokabilidat di mas grandi; e ta e lepra di e alma — kaminda e ser mas paden ta haña su mes ta putri; e ternura di e kurason ta kambia den un baranka frieu i gròf; e vishon pa e kosnan mas nobel i mas haltu ta kambia den un estima propio orguyoso i arogante. “ Tur a peka” e apòstel Pablo ta bisa (Rom. 3:23). Asina ei, tur ta leproso spiritual, intokable. Mirá asin’ei, e historia di Hesus Su mishimentu ku e leproso ta duna nos tur speransa. E no a krusa un bara di seis pia, pero e abismo enorme(inmenso) di shelu i tera, El a bandoná e presensia di Dios, i a bini na e tera pa mishi ku nos tur. E toke di Hesus, disponibel libremente na kada un di nos, tin e poder pa pordoná e peor pikánan, pa kousa kuramentu kaminda tin putrimentu, i pa tuma nos for di e morto di piká hiba den e brasa di Dios Su amor. Andy Nash, Teacher’s section. I “Touching the Untouchable”

6 “E senturión a kontestá, ‘Señor, mi no ta digno(meresé) pa permitíBo bini bou di mi dak. Pero djis bisa e palabra, i mi sirbidó lo wòrdu kurá.’” (Mateo 8:8) E senturión tabatin poder I outoridat. Sinembargo, el a sinti inkapasitá pa kura su sirbidó. E(senturión) — manera e leproso — a kere ku Hesus Su palabra tabata asina poderoso ku E lo por hasi lo imposibel. Hesus tabata asombrá na e fe di e Pagano ei. E no a haña un tal fe entre e pueblo di Dios. “ Mi ta bisa boso ku hopi lo bini for di Oriente i for di Oksidente, i lo tuma nan lugá na e fiesta ku Abraham, Isaak i Jakòb den e reino di shelu. Pero e siudadanonan di e reino lo wòrdu tirá pafó, den e skuridat, kaminda lo tin yoramentu i mordementu riba djente.” (Mateo 8:11-12)

7 “E hòmbernan tabata asombrá i a puntra, ‘Ki sorto di hende esaki ta? Asta e bientunan i e olanan ta obedes’É!’” (Mateo 8:27) “Esnan ku tabata kuida e porkonan a hui bai, nan a bai den stat i a raportá tur esaki, inkluyendo loke a sosodé ku e hòmbernan poseí pa demoño. E ora ei henter e stat a sali pa kontra ku Hesus. Y ora nan a mir’É, nan a rogu’É pa sali for di nan region.” (Mateo 8:33- 34) E hendenan tabatin miedu di Hesus despues ku El a huza Su outoridat riba e elementonan i demoñonan (Mira Lukas 8:25, 35). E disipelnan a trata ku e miedu ei dor di ta asombrá ku Hesus i ador’E. E siudadanonan di Gadara a trata ku e miedu ei dor di pidi Hesus pa bai for di nan bida. Hesus tin outoridat pa deshas í di tur trabou ku e diabel ta hasi den bo bida. Ainda nos ta duna nos porkonan di kome — esei ta, bibando den piká —, òf nos ta asombrá di Hesus Su outoridat maraviyoso ku ta kita nos piká?

8 “ Algun hòmbernan a trese serka Dje un paralítiko, drumí riba un kama. Ora ku Hesus a mira nan fe, El a bisa na e hòmber, ‘Tene kurashi, Mi yiu; bo pikánan ta pordoná.’” (Mateo 9:2) E hòmber paralítiko no tabatin nesesidat di wòrdu kurá, pero pa ta sigur ku su pikánan a wòrdu pordoná. El a wòrdu kurá físikamente pa mantené e Eskribanan ketu! Tin un kos nos tur tin mester di dje no importá nos problemanan òf sirkumstansianan: Pordon di pikánan. Si nos no a wòrdu pordoná, malesa òf kuramentu no ta importá; nos lo pèrdè bida etèrno. Nos salú spiritual ta garantisá, desde ku “e Yiu di Hende tin outoridat riba tera pa pordoná pikánan.” (Mateo 9:6).

9 Lesa Mateo 8:19-21 i 9:9. Despues di a studia kon Hesus a yama e hendenan ei i kon El a spierta nan tokante di algun problemanan ku nan lo tin ku enfrentá, nos por konkluí ku siguiendo Hesus ta envolví: “E ora ei un siñadó di e lei a bini serka Dje i a bisa, ‘Maestro, lo mi siguiBo unda ku Bo bai.’… ‘e Yiu di Hende no tin ningun lugá pa pone Su kabes.’” (Mateo 8:19-20) Siendo boluntario pa renunsiá tur kos i pa sufri atversidat p’É. “Un otro disipel a bis’E, ‘Señor, pèrmitími promé pa bai i dera mi tata.’” (Mateo 8:21) É siendo mas importante ku nos propio famia. “ Segun ku Hesus tabata sigui Su kaminda for di einan, El a mira un hòmber ku yama Mateo sintá den e ofisina di belasting. ‘SiguiMi,’ El a bis’é, i Mateo a lanta i a siguiE.” (Mateo 9:9) Lantando. Dedikando bo bida pa Hesus.

10 “ Tin esnan ku a konosé e amor pordonadó di Kristu i kende realmente ta desea pa ta yiunan di Dios, tòg nan ta realisá ku nan karakter ta imperfekto, nan bida imperfekto(ku fayo), i nan ta kla pa duda si nan kurason a wòrdu renobá dor di e Spiritu Santu. Na tal persona lo mi bisa, No hala atras den desesperashon. Ku frekwensia nos lo tin ku bùig i yora na e pianan di Hesus pa motibu di nos defektonan i fayonan, pero nos no mester ta deskurashá. Asta si nos ta vensé dor di e enemigu, nos no ta tirá afó, nos no ta bandoná i rechasá pa Dios… Resa mas ferviente; kere mas kompleto. Segun ku nos ta bin deskonfiá nos propio poder, laga nos konfia e poder di nos Redentor, i nos lo alab’É Kende ta e salú di nos apariensia(kara).” E.G.W. (Steps to Christ, cp. 7, pg. 64)