LEZOKO Eskolako Agenda 21 2011/2012 ikasturtea

Aurten parte hartzen dugu Lezoko Herri Eskola Lezo Institutua

Guraso, irakasle eta eskolako beste langileak ahantzi gabe! Lezoko 2 eskoletako ikasleek hartzen dugu parte Eskolako Agenda 21 programan Guraso, irakasle eta eskolako beste langileak ahantzi gabe!

Iazko gaia... HONDAKINAK

Eta guk, ikasleok…

…ondorengo eskaerak egin genizkizuen: 1.- Hondakinak murriztu, berrerabili eta birziklatzeko informazio eta kontzientziazio kanpainak antolatzea Lezoko herritarrek ezagutu dezaten hondakinak nola kudeatu behar diren, zein kudeaketa motak dauden, birziklatuz zer hondakin kopuru aprobetxatzen den, zer produktu lortzen diren eta abar UDAL ERANTZUNA: Datorren azaroaren 26ean Kontsumo arduratsuaren azoka ospatuko da Lezon. Azokaren helburuen artean dago hondakinen prebentzioa eta berrerabilpena sustatzea, baita gai horri buruzko ingurumen hezkuntza zabaltzea ere. Horrela, azokan hondakinen kudeaketa egokiari buruzko informazioa egongo da, eta ahal den herritar gehien parte-hartzea da Udalaren nahia. Ikastetxeak ere gonbidatuak zaudete bertan parte hartzea, eta horretarako gune berezi bat aurreikusi da. Baina hori hasiera besterik ez da izango. Gai hori hurrengo urteetako gai garrantzitsuenetako bat izango da udalarentzat. Egoera goitik behera aldatzeko garaia dugu, baina herritar guztiekin egin behar dugu hori, guztiok sortzen baitugu zaborra. Zuen guztien laguntza behar dugu honetarako.

…ondorengo eskaerak egin genizkizuen: 2.- Herrian graffitiak egiteko eta kartelak jartzeko horma eta panel apropos batzuk jartzea, panelak astero edo hamabost egunetik behin garbituko direlarik UDAL ERANTZUNA: Ideia interesgarria da, oraingoz ez dago horrelako asmorik. Hala ere, gai honetan ere guztion zeregina da herria zaintzea, bestela alferrik izango da panelak jartzea gero erabili edo errespetatzen ez badira. 3.- Kale gehiagotan olioa eta oihalak jasotzeko edukiontzi gehiago jartzea. UDAL ERANTZUNA: Iazko urte bukaeran jarri ziren herrian, San Marko mankomunitatearen eskutik,olioa biltzeko edukiontziak. Horiek nola funtzionatzen duten ikusi behar da gehiago jartzea erabaki baino lehen.

…ondorengo eskaerak egin genizkizuen: 4.- Elbarri eta txikientzat egokitutako edukiontziak jartzea UDAL ERANTZUNA: Edukiontziak berritzerakoan kontuan izaten saiatuko garen ekarpena izango da hau. 5.- Jaietan zabor kopurua ahal den gehien gutxitzeko neurriak hartzea UDAL ERANTZUNA: Azken urteetan berriro erabiltzeko edalontziekin eta saiakera egin da. Baina jendea eta tabernariak dira horrelakoak bultzatu behar dituztenak, arrakasta izango badute. Udala egitasmo guzti hauek laguntzako prest izango da.

…ondorengo eskaerak egin genizkizuen: 6.- Materia organikoaren bilketarako sistemaren bat abian jartzea UDAL ERANTZUNA: Atez ateko bilketaren bideragarritasuna aztertzen duen txostena eskatu zuen Lezoko Udalak urte hasieran. Dakizuenez, sistema horren bidez materia organikoaren bilketa egiten da, eta gaur egun ezagutzen direnen artean, portzentaia handiena jasotzen duen sistema da gainera. Udalarentzat gai interesagarria da, zaborraren gaiari zein irtenbide eman aztertu eta erabakiko du laster, herritarrek esandakoa eta eskolan egindako lana kontuan hartuta.

…ondorengo eskaerak egin genizkizuen: 7.- Zigarro muturrek kaleak ez zikintzeko, kaleetan hautsontziak jartzea UDAL ERANTZUNA: Edukiontziak jarri baino, ohitura txar hori aldatzea da egokiena. Herritarrok kalea garbi mantentze horretan parte hartu behar dugu, izan ere, kalea denona da. Herritarren ohiturak aldatzea ez da erraza, eta hautsontziak jartzeak ez du arazoa konponduko jendeak erabiltzeko ohitura ez badu.

…ondorengo eskaerak egin genizkizuen: 8.- Hondakin kopurua murrizten duten herritarrei eta hondakinak ondo banatzen dituenari saritzea UDAL ERANTZUNA: Atez ateko bilketa-sistemaren bidez egin daiteke hori. Horretarako etxe bakoitzeko zaborra zein den jakin behar da, edukiontzien sistemak ez du hori egitea uzten. Zaborren gaia aztertzerakoan kontuan izango da proposamena.

…ondorengo eskaerak egin genizkizuen: 9.- Eskoletako eta herriko garbitzaileei inplikazioa eskatzea (bereizketa ondo egitea eta abar) UDAL ERANTZUNA: Dagoeneko eskatzen zaie eta saiatzen dira. 10.- Herrian dauden edukiontziak maizago hustu, garbitu, konpondu edo puskatzen direnean aldatzea UDAL ERANTZUNA: Kontuan izango dugu, saiakera egiten da, baina lan handia da eta diru faltak zailago egiten du.

Aurten landuko duguna… BIOANIZTASUNA

Gauza mordoa egiteko asmoa dugu… Eskola inguruko bioaniztasunaren behaketa Tailerrak Kale-ikerketak Eskolako Ekintza Plana Eta abar…

MILA ESKER ETA HURREN ARTE!