Carnavalada. Evaristo Valle Baillemos, xuguemos, seyamos de nuevo neños. Critiquemos, gastemos bromes, denunciemos. bandonémonos a la folixa, al xaréu y a l'allegría. ¿Ónde tarán les lates, los pitos y los cencerros? Busquemos tamién sartenes, turullos y cuernos.
N'Asturies foi una de les fiestes más señalaes. Celebrábase en casi toles aldees, villes o ciudaes. Hasta bien entráu'l sieglu vente cada sitiu tenía un vezu de celebralo según les sos posibilidaes, anque polo xeneral al nun haber munches perres lo primordial yera pasalo bien y que tol mundu participaren de la folixa. Como nun yera posible mercar los disfraces nes tiendes, la xente daba-y un toques d'imaxinación y de personalidá colo poco qu'había. Por esti motivu casi too valía, dende colches vieyes, manteles de casa o trapos remendaos. Les mázcares más tradicionales yeren de pelleyos d'oveya o tiestes d'osu o mula y teles pal cuerpu. En dalgunes ocasiones p'amazcaráse tiznábase la cara de negro con un corchu quemáu. N'otres poníase una careta fecha de cartón, madera o trapu.
Evaristo Valle reflexa nesti cuadru l’ antroxu.Los homes y les muyeres mazcarítense ya antroxen pel pueblu. Nos “mazcaritamos” los personaxes del cuadru pa recrear col nuestru maxín la xenial obra de Valle.
Güei ye tiempu d'humor y d'ironía, seyamos dioses o diaños per un día Disfrutemos de lo bueno y olvidemos el decayimientu. El menú ye mui suxestivu, comamos a fartar, nun pue faltar el pote, el picadiyu y el butiellu, nin los picatostes, los frixuelos o los bollinos de vientu. Disfrutemos de los bueno, con amigos de verdá Güei ye tiempu d'humor y d'ironía, seyamos dioses o diaños per un día Nun seyamos de la rutina prisioneros. Acabemos cola monotonía tirana. Destapemos la mirada de los suaños, quitémonos les mázcares que dan pena, seyamos por un momentu de nuevo neños. María Luz Pontón Álvarez