La descarga está en progreso. Por favor, espere

La descarga está en progreso. Por favor, espere

MULTIKOLO RPoemas Para Chikos i Grandes Ada Gattegno-Saltiel Ada Gattegno-Saltiel Todos los derechos de los poemas i las fotos (aparte de las fotos Trezoro.

Presentaciones similares


Presentación del tema: "MULTIKOLO RPoemas Para Chikos i Grandes Ada Gattegno-Saltiel Ada Gattegno-Saltiel Todos los derechos de los poemas i las fotos (aparte de las fotos Trezoro."— Transcripción de la presentación:

1 MULTIKOLO RPoemas Para Chikos i Grandes Ada Gattegno-Saltiel Ada Gattegno-Saltiel Todos los derechos de los poemas i las fotos (aparte de las fotos Trezoro i Ora de oro) son rezervados a Ada Gattegno-Saltiel © 2009

2 ANYADA BUENA Anyada buena luna Anyada buena sol Anyada buena paparuna (Avlo djudeo-espanyol) Anyada buena papiyon Anyada buena kansion I anyada buena A los oyentes de mi korason

3 TREZORO Un trezoro Tinia mi nono Un livro de oro Kon letrikas de sol I kada palavra luzia En djudeo-espanyol

4 BLANKA Blanka es la nuve Blanka es la nieve Blanka la babeka La eskuma de la ola La vela de la nave La luz ke mos konsola

5 NINYA Rozas son mi karas Mis lavios son dos frezas Blus son mis ojos Komo al sielo las estreyas Dos trensados tengo Klaros Kon fiongitos Fostan de dantela Una maniya bela I dos orejalikos

6 BEZ-BEZIKO Un bezo Beziko Chik-chiko Sovre la kara Los ojos La boka Los parparos Bezo sharope Dulsiko Bez-beziko

7 BALONITAS Balon korlado Balonita violeta Baloniya de maraviya Balones transparentes Balonitas koloridas Balonitos redondikos Bolan Alan Asielan sielos

8 UN PASIKO Un paso – un pasiko Una pizada – una pizadika Mi paso es minudo Mi pizadika – chikitika

9 KUKLA Mi kukla Tiene una bukla I un orejal Un aniyo Una maniya I un fostan de karnaval

10 KUKLIKA Mi kuklika Es muy henozika I ermozika Kon su fostan blu Es un biju Kon su fostan korlado Es un regalo

11 DEDIKOS PAYLACHIKOS Sto pintando Me se pintan los dedos Les demando Es agradavle de ser pintados? Me responden avagariko Muy muy agradavle Semos dedikos paylachikos

12 PAYLACHO MIO Tu naris Es un balon Tu kravata Papiyon Tienes kara kolorada Kaveyos de flama despeinada Tu vistido Paylacho mio Es multikolor Kon ti kiero riir Kon ti senyor

13 ORA DE ORO En una faldukera sekreta Serka de su korason Mi nono tinia Una ora de oro Una ora de oro – tik Una ora de oro – tak I su korason Tika-tika-tik Tiki-tiki-tak

14 KANTIGA ROZ Roz es el sono de mi nombre Roz es la kolor de mis karas Roz es el gusto de mis mushos Roz es la aroma de mi parfumo Roz es el volan de mi fostan I kiero baylar Kiero kantar

15 SONYO ROZ El roz Es mi dulsor El roz Es mi delisia El roz Es mi amor El roz Es mi felisia El roz Mi feeria El roz Mi maraviya Dulse delisiozo Amable felisiozo Feeriko maraviyozo Es el sonyo roz mio

16 BALON VIOLETO Korlado-blu Abraso violeto Mi balon komo el sielo Es redondo-violeto Grande-violeto I es ermozo Luminozo

17 BLU Ojos de sielo Tengo Navigo kon Kada peshiko Blu soy Orajozo kalmo Relampagos Enflamo

18 KANTIGA KORLADA Amapola Korlada enfloresiente Naris korlada Paylacho kontente Korladez Paylacho vruensozo Sereza Korlada delisioza I la korlada ke lo mas kiero La freza del amorero

19 KORLADIKAS Mi mangrana es korlada Yena de mangranitas Mi sesto es yeno Yeno de serezas Korladikas I una flor yo tengo Korladisima Roza-rmoza De mil ojas Misteriozas

20 KANTIGA DE SOL Sol fuego Mancha emosionante Asendida flamante Resplandesiente

21 KARA DE LUNA Kara de melon tiene el jon Mielozo Kara de limon tiene Agrozo Kara de sol tiene el jon Radiante El jon tiene Kara de luna-luminante

22 ENVERANO Sol i sielo Sin velo Kalor Mar de luz Karpuz Freza i sereza Kaleidoskop de frutas Enriva de la meza

23 INVIERNO Nuves de luz Balones de ayre Kalupikos de buz Kakulikas de nieve Luvia pedrisko Relampagos Truenos Teretemblo de sielos

24 AYRE El ayre bola kon la oja Bayla kon la flor De l'agua no s'amoja No se dezmaya de kalor El ayre bola-bayla-bola Sin forma ni kolor

25 NOCHE La noche es un shal La noche - un bonete La noche - pijama Ke mi mama me mete


Descargar ppt "MULTIKOLO RPoemas Para Chikos i Grandes Ada Gattegno-Saltiel Ada Gattegno-Saltiel Todos los derechos de los poemas i las fotos (aparte de las fotos Trezoro."

Presentaciones similares


Anuncios Google